63 Nayanmargal | 63 நாயன்மார்கள்

நாயன்மார்கள்

சைவ சமய குறவர்களில் ஒருவரான சுந்தரமூர்த்தி நாயனார் அவர்கள் சிவபெருமானின் தோழர் என்பது சைவ சமய பற்றாளர்களின் அசைக்க முடியாத நம்பிக்கை.

ஒரு முறை திருவாரூர் ஆலயத்தில் இறைவனோடு சுந்தரமூர்த்தி நாயனார் உரையாடிக் கொண்டிருந்தார். அப்போது அங்குள்ள மண்டபத்தில் எண்ணற்ற சிவனடியார்கள் வந்து குழுமி இருந்தனர்.

சுந்தர மூர்த்தி நாயனார் இவர்கள் எல்லாம் யாரென சிவபெருமானிடம் கேட்டார். அதற்கு இறைவன் என் அடியார்கள் என கூறியதோடு இவ்லாமல் சிவனடியார்களை பற்றிய பெருமையை எடுத்துரைத்தார்.

மேலும் அடியார் பெருமைகளை விரித்து நீ பாடுக என்று ஆணையிட்டார். திடீர் என இறைவன் கேட்டதால் எப்படி தொடங்குவது என சுந்தர மூர்த்தி நாயனார் சிந்தித்த வேலையில் ‘தில்லை வாழ் அந்தணர்‘ என்று அடி எடுத்து கொடுத்து தொடங்கி வைத்து அருள் புரிந்தார்.

சுந்தர மூர்த்தி நாயனார் இறைவனின் கட்டளையை ஏற்று சிவனடியார்களை போற்றி திருத் தொண்டத் தொகை என்ற பதினொரு பாடல்கள் கொண்ட பதிகத்தைப் பாடினார்.

திருத்தொண்டத் தொகை நூலில் 58 ஆண் சிவனடியார்களும், காரைக்கால் அம்மையார் மற்றும் மங்கையற்கரசியார் என இரு பெண் அடியார்களும் சேர்த்து அறுபது சிவனடியார்களை பற்றி பாடியது மட்டுமல்லாது ஒன்பது தொகையடியார்களையும் பாடியுள்ளார். ஒன்றுக்கு மேற்பட்ட ஒரு குழுவினைத் தொகுத்து குறிப்பிடுவதைத் தொகை அடியார்கள் என்கின்றோம்.

பெரிய புராணம்
சுந்தர மூர்த்தி நாயனார் பாடிய திருத்தொண்டத் தொகையை மூல நூலாகவும், நம்பியாண்டார் நம்பி பாடிய திருத்தொண்டர் திருவந்தாதியை வழிநூலாகவும் கொண்டு பெரிய புராணத்தை இயற்றினார் சேக்கிழார். பல்வேறு இடங்களில் உள்ள கல்வெட்டு குறிப்புகள், மக்கள் மத்தியில் செவி வழி செய்தியாக உள்ள கதைகள் இவற்றை சேகரித்து, தில்லை அம்பலத்தில் கூத்தாடும் சிவபெருமான் உலகெலாம் என்று அடியெடுத்துக் கொடுக்கச் சேக்கிழார், பெரிய புராணம் எனும் சிவனடியார்கள் புகழ் போற்றும் பெருங்காப்பியத்தை இயற்றி அருளினார்.

நாயன்மார்களின் குரு பூஜை நட்சத்திரம்

இறைவன் திருக்காட்சி கொடுத்து நாயன்மார்கள் முக்தி அடைந்த தினத்தை நாம் நாயன்மார் குருபூசையாக வணங்குகிறோம். நாயன்மார்களின் குருபூசை செய்வது நம் தொன்று தொட்டு செய்து வரும் மரபாகும். இல்லங்களிலும் திருக்கோவில்களிலும் நாயன்மார்களின் குருபூசை நிகழ்ந்து வருகிறது.

நாயன்மார்களும் குரு பூஜை தினங்களும்